Zəka Mirzəyev Tovuzda vətəndaşların problemlərini dinlədi

Dövlət Sosial Müdafiə Fondu (DSMF) İdarə Heyətinin sədri Zəka Mirzəyev Tovuz rayonunda vətəndaşlarla görüş keçirib. Bu görüşdə vətəndaşların müraciətləri əsasən pensiya, sosial müavinətlər, təqaüdlər, ünvanlı dövlət sosial yardımı, sosial sığorta və fərdi uçot məsələlərini əhatə edib.

Minval.info xəbər verir ki, müraciətlərin hər biri diqqətlə qeydiyyata alınıb. Bir sıra məsələlər dərhal yerində həll edilib, digər müraciətlərin araşdırılması və həlli üçün isə DSMF-nin aidiyyəti struktur bölmələrinə müvafiq tapşırıqlar verilib.