"Yeni müharibə "Artsax"ın sonu olacaq" - Arutyunyan Vardanyana etiraz etdi

Qarabağdakı separatçı qurumun “dövlət naziri” Vardanyan yerli sakinlərlə görüşü zamanı Azərbaycanla hərbi münaqişənin yarana biləcəyini istisna etməyib.

Bakupost.az xəbər verir ki, bu barədə Ermənistanın “Hraparak” qəzeti yazıb.

Qəzetin iddiasına görə, onun bu fikri separatçıların digər liderləri tərəfindən etirazla qarşılanıb.

“Hraparak” yazır ki, etiraz edənlərdən biri separatçıların lideri Arayik Arutyunyandır. O, bildirib ki, hazırda Qarabağda Ermənistandan daha çox silah olsa da, müharibədən qaçmaq və Azərbaycanla dialoqa getmək lazımdır

“Əks halda müharibə Artsax və onun xalqının sonu ilə nəticələnəcək”, – Arayik Arutyunyan deyib.