Yayda təcili yardıma çağırışların səbəbi: Təzyiqdən ürək problemlərinə qədər!

Yay mövsümündə Respublika Təcili və Təxirəsalınmaz Tibbi Yardım Mərkəzi gün ərzində Bakı və regionlarda 2 000-3 000 arası müraciət qəbul edir. Əsasən arterial təzyiqin artması, müxtəlif travmalar, dispeptik əlamətlər və kardioloji problemlər bu müraciətlərin səbəbləri arasında yer alır.

Minval.info xəbər verir ki, bu məlumat Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və kommunikasiya departamentindən əldə olunub. Yay aylarında artan temperatur və digər amillər insanların sağlamlığına təsir edir, bu da təcili tibbi yardıma müraciətlərin sayını artırır.