Yayda mədə problemlərinin artmasının səbəbi nədir? – Həkimlərdən vacib tövsiyələr

Son günlərdə əhali arasında ürəkbulanma, qusma, ishal və mədə ağrıları ilə bağlı şikayətlərdə artım müşahidə olunur. Sosial mediada bəzi istifadəçilər bu simptomların çimərlikdən qayıtdıqdan sonra başladığını qeyd edirlər. Mütəxəssislər isə bu halların həm virus, həm də bakterial infeksiyalarla əlaqəli ola biləcəyini bildirirlər.

Minval.info xəbər verir ki, infeksionist Mərdan Əliyev, yaz-yay mövsümündə mədə-bağırsaq xəstəliklərinin daha çox yayıldığını vurğulayıb. Onun sözlərinə görə, bu dövrdə norovirus, adenovirus və bəzən rotavirus infeksiyaları müşahidə edilir. Viral qastroenterit adlanan bu xəstəliklər, çirkli əllər vasitəsilə və fekal-oral yolla yayılır.

Həkim əlavə edib ki, isti havalarda qidaların düzgün saxlanılmaması mədə-bağırsaq pozğunluqlarının əsas səbəblərindəndir. Otaq temperaturunda uzun müddət qalan qidalarda bakteriyalar sürətlə çoxalır və bu, qida zəhərlənməsinə səbəb olur. Nəticədə ürəkbulanma, qusma, ishal və bəzən yüksək hərarət müşahidə edilir.

Qaqik Tsarukyanın fırıldaqçılıq ittihamlarına cavabı: milyondolarlıq qalmaqal

ƏLAQƏLİ

Bunu da oxu

Qaqik Tsarukyanın fırıldaqçılıq ittihamlarına cavabı: milyondolarlıq qalmaqal

12.10.2026 - 13:54

Mərdan Əliyev, qarpızın istehlakı zamanı diqqətli olmağı tövsiyə edir. Qarpız yuyulmadan kəsildikdə, qabığının üzərindəki bakteriyalar meyvənin içinə keçə bilər. Kəsilmiş qarpız otaq temperaturunda qaldıqda isə bakteriyalar sürətlə çoxalır və qida zəhərlənməsinə bənzər əlamətlər yarada bilər.

Bu səbəbdən, həkim qarpızın kəsilməzdən əvvəl yuyulmasını və kəsildikdən sonra soyuducuda saxlanılmasını məsləhət görür. Ümumilikdə yay aylarında qidaların otaq temperaturunda uzun müddət saxlanılmaması, xüsusilə ət, balıq və süd məhsullarının dərhal soyuducuya yerləşdirilməsi vacibdir. Günəş altında uzun müddət qalmış qarpızın alınması da məsləhət görülmür.

Mərdan Əliyev, hazırda müşahidə olunan ürəkbulanma, qusma və ishal hallarının əsasən virus və bakterial infeksiyalarla əlaqəli olduğunu bildirir.