Xırdalan və Sumqayıta metro: Əmlak qiymətləri yüksələcək?

Xırdalan və Sumqayıt istiqamətində metro xəttinin çəkilməsi, hazırda təsdiqlənmiş rəsmi layihələr arasında olmasa da, gələcəkdə müzakirə edilə biləcək nəqliyyat layihələrindən biri kimi qiymətləndirilir. Bu cür layihənin həyata keçirilməsi həmin ərazilərdə daşınmaz əmlak bazarına ciddi təsir göstərə bilər.

Minval.info xəbər verir ki, Azərbaycan Qiymətləndiricilər Cəmiyyətinin (AQC) sədri Vüqar Oruc, infrastruktur layihələri ilə bağlı məlumatların yayılmasının əmlak qiymətlərində artıma səbəb ola biləcəyini bildirib. İlkin mərhələdə qiymətlərin təxminən 5-10 faiz yüksəlməsi, layihənin tam reallaşması və metro stansiyalarının fəaliyyətə başlaması halında isə bəzi ərazilərdə artımın 50 faizə qədər çatması ehtimal olunur.

Əgər metro xəttinin çəkilişi zamanı müəyyən ərazilərdə tikililərin sökülməsi zərurəti yaranarsa, mülkiyyətçilərə kompensasiya ödənilməsi məsələsi də gündəmə gələ bilər. Ərazidə daşınmaz əmlakın mövcud bazar qiymətləri nəzərə alınmaqla, ilkin ehtimallara əsasən kompensasiya məbləğlərinin Sumqayıtda təxminən 2 000 manat, Xırdalanda isə 2 000-2 500 manat civarında formalaşa biləcəyi qeyd olunur. Lakin konkret məbləğ söküləcək əmlakın növündən, yerləşdiyi ərazidən, sahəsindən və bazardakı real dəyərindən asılı olacaq.

ƏLAQƏLİ

Bunu da oxu

Xocavəndin iki kəndində qazlaşdırma işlərinə start verilib

19.10.2026 - 15:34

Kompensasiyanın hesablanması isə layihə ilə bağlı qəbul ediləcək qərarlardan asılı olacaq. Ödəniş məbləği xüsusi komissiyanın qərarı, mülkiyyətçi ilə investor arasında razılaşma və ya müstəqil qiymətləndirmə şirkətinin müəyyən etdiyi bazar dəyəri əsasında hesablana bilər.