Valideynlik hüququndan imtina: Aliment üçün qanunsuz razılaşma?

Azərbaycan Ali Məhkəməsi valideynlik hüququndan məhrum edilmə ilə bağlı vahid məhkəmə təcrübəsini müəyyən edən qərar qəbul edib. Bu qərar, valideynlik hüququndan məhrum edilmənin əsaslarını və alimentdən imtina məsələlərini əhatə edir.

Minval.info xəbər verir ki, tərəflərin birgə nikahdan 11 yaşlı uşaqları var və nikahın pozulması ilə uşağın ananın yanında qalması qərara alınıb. Məhkəmə, uşağın yetkinlik yaşına çatana qədər alimentin tutulmasını təmin edib. Lakin tərəflər arasında bağlanan mediasiya sazişinə əsasən, ata valideynlik hüquqlarından məhrum edilməyi qəbul etmiş və ana isə aliment tələb etməyəcəyini öhdəsinə götürmüşdür.

Ali Məhkəmə, Mülki Prosessual Məcəllənin 52.5-ci maddəsinə istinad edərək, valideynlik hüququndan imtinanın uşağın mənafeyinə uyğun olmadığını və belə bir razılaşmanın qanunla qadağan edildiyini vurğulayıb. Məhkəmə, valideynlik hüququnun şəxsin şəxsiyyət hüquqları ilə bağlı olduğunu və bu hüquqların özgəninkiləşdirilə bilməyəcəyini qeyd edib.

ƏLAQƏLİ

Bunu da oxu

Rayonlarda şimşək və yağışlı hava şəraiti müşahidə olunur

02.10.2026 - 17:01

Valideynlik hüququ, ata və ananın övladlarını böyütmək və onların mənafelərini qorumaq sahəsində bərabər hüquq və vəzifələrini əhatə edir. Bu səbəbdən, valideynlərdən birinin aliment öhdəliyinin əvəzində valideynlik hüququndan imtina etməsi yolverilməzdir. Valideynlik hüququ yalnız qanunla müəyyən edilmiş hallarda və uşağın üstün mənafeyinə uyğun olaraq məhkəmə qaydasında məhrum edilə bilər.