Ukrayna müharibəsi üçün gizli sülh danışıqları: Vyanada sirli görüşün detalları ortaya çıxdı

Ukrayna müharibəsinin sona çatdırılması və sülh proseslərinin başlanması məqsədilə Qərb və Rusiya nümayəndələrinin Vyanada gizli bir görüş keçirdiyi iddia edilir.

Minval.info xəbər verir ki, 2026-cı ilin iyul ayında Avstriyanın paytaxtı Vyanada Böyük Britaniya, Fransa, Almaniya və Rusiyadan keçmiş yüksək vəzifəli şəxslərin iştirakı ilə qeyri-rəsmi bir toplantı baş tutub.

Bu toplantıda Ukrayna müharibəsinin dayandırılması, sülh danışıqlarının parametrləri və atəşkəs şərtləri müzakirə edilib. Qərb nümayəndələrini Böyük Britaniyanın keçmiş milli təhlükəsizlik müşaviri Tim Barrou, Almaniyanın keçmiş dövlət katibi Markus Ederer və Fransadan diplomat Pyer Vimon təmsil edib.

ƏLAQƏLİ

Bunu da oxu

Sabah Bakıda külək sürprizi: Hansı bölgələrdə təhlükə gözlənilir?

05.08.2026 - 21:57

Rusiya tərəfini isə Kremlin keçmiş yüksək vəzifəli bir rəsmisi təmsil etsə də, onun adı açıqlanmayıb. Bloomberg agentliyinə görə, bu cür görüşlər rəsmi danışıqlardan kənar aparılan və “ikinci yol diplomatiyası” adlandırılan format çərçivəsində keçirilir. Bu görüşlər hökumətlərdən müstəqil təşkil edilsə də, əldə olunan nəticələr rəsmi dairələrə təqdim edilə bilər.

Qeyd edək ki, daha əvvəl Almaniyanın Die Zeit qəzeti və ARD telekanalı Bakıda da alman və rusiyalı keçmiş rəsmilər arasında oxşar görüşlərin keçirildiyini ortaya çıxarıb. Lakin Almaniya xüsusi xidmət orqanları bu təmasları Kremlin Almaniya siyasətinə təsir göstərmək və Rusiyanın atəşkəs şərtlərini qəbul etdirmək cəhdi kimi qiymətləndirib.