Türkiyə-Azərbaycan müdafiə əməkdaşlığında yeni dövr: Havelsan-ın texnoloji hədiyyəsi

Türkiyənin müdafiə sənayesi sahəsində fəaliyyət göstərən HAVELSAN şirkəti, komanda-idarəetmə texnologiyaları üzrə hazırladığı mühüm proqram həllini Azərbaycan Hərbi Hava Qüvvələrinə təqdim edib. Bu addım, hər iki ölkə arasında hərbi əməkdaşlıq sahəsində yeni bir mərhələnin başlanğıcı kimi qiymətləndirilir.

Minval.info xəbər verir ki, bu yeni sistem Azərbaycan Hərbi Hava Qüvvələrinin əməliyyat imkanlarını əhəmiyyətli dərəcədə artıracaq. Hərbi ekspert Ədalət Verdiyev bildirib ki, müasir münaqişələrdə hava qüvvələrinin rolu getdikcə daha da önəmli olur və bu sistemlər bu rolu daha da gücləndirəcək.

Türkiyə və Azərbaycan arasında hava məkanının qorunması istiqamətində əvvəllər də bir sıra mühüm layihələr həyata keçirilib. ASELSAN şirkətinin hazırladığı sistemlər hər iki ölkədə tətbiq olunmuşdu. İndi isə HAVELSAN-ın təqdim etdiyi yeni idarəetmə sistemi, ortaq hava əməliyyatlarının daha effektiv planlaşdırılması və icrası üçün rəqəmsal platforma üzərindən idarəetmə imkanı yaradır.

ƏLAQƏLİ

Bunu da oxu

Məktəb mədrəsə deyil, öz qaydaları var

12.10.2026 - 17:54

Bu sistem, əməliyyat mərkəzlərində çalışan heyətə, döyüşlərin idarə olunmasında daha səmərəli qərarlar qəbul etməyə imkan verəcək. Eyni zamanda, əməliyyat məlumatlarının real vaxt rejimində izlənilməsi və idarə olunması üçün də şərait yaradacaq.