Suraxanıda qəbiristanlıqda ürək ağrıdan mənzərə: Alaq otları, su qıtlığı və oğurluq problemi

Suraxanı rayonunun Hövsan qəsəbəsində yerləşən və “Beton zavod” adı ilə tanınan qəbiristanlıqda ciddi problemlər yaşanır. Sakinlər uzun müddətdir burada təmizlik işlərinin aparılmadığını və qəbirlərin ətrafının alaq otları ilə örtüldüyünü bildirirlər.

Minval.info xəbər verir ki, çəkiliş zamanı qəbiristanlıqda bir çox qəbirlərin ətrafında hündür və quru otların olduğu, bəzi yerlərdə isə alaq otlarının qəbir daşlarına qədər yayıldığı müşahidə edilib. Şikayətçilərin sözlərinə görə, ərazidəki işçilər otları təmizləmək üçün onları yandırmağa çalışıblar, lakin bu, bəzi qəbirlərə ciddi zərər verib.

Bundan əlavə, sakinlər qəbiristanlıqdakı bulaqdan iki ildir su gəlmədiyini, bu səbəbdən də qəbirlərin ətrafının təmizlənməsinin çətinləşdiyini vurğulayırlar. Eyni zamanda, bəzi qəbirlərin üzərindən güldan və digər əşyaların oğurlandığı da iddia olunur.

ƏLAQƏLİ

Bunu da oxu

Qızılqayada mina təhlükəsi: Buldozer partlayışı iki nəfərin həyatını dəyişdi

12.08.2026 - 19:06