Sabah bəzi bölgələrdə 40 dərəcə isti olacaq

Sabah Azərbaycanda bəzi bölgələrdə 40 dərəcə isti gözlənilir. Milli Hidrometeorologiya Xidmətinin məlumatına görə, Bakıda və Abşeron yarımadasında hava şəraiti yağmursuz olacaq. Şimal-qərb küləyi gündüz saatlarında cənub-şərq küləyi ilə əvəz olunacaq.

Minval.info xəbər verir ki, havanın temperaturu gecə saatlarında 23-27° isti, gündüz isə 30-35° isti olacaq. Atmosfer təzyiqi 763 mm civə sütunu təşkil edəcək. Nisbi rütubət gecə 70-75 %, gündüz isə 50-55% arasında dəyişəcək. Azərbaycanın digər rayonlarında da hava şəraitinin əsasən yağmursuz keçəcəyi proqnozlaşdırılır. Gecə və səhər saatlarında bəzi dağlıq ərazilərdə duman müşahidə edilə bilər. Şərq küləyi əsəcək.

Rayonlarda havanın temperaturu gecə 21-25° isti, gündüz isə 35-38°, bəzi yerlərdə isə 40° isti olacaq. Dağlıq ərazilərdə gecə 12-17° isti, gündüz isə 21-26° isti gözlənilir.