Sərhəd macərası: Qanunsuz keçid cəhdləri və 105 kiloqram narkotiklə mübarizə!

İyul ayında dövlət sərhədini qanunsuz keçməyə çalışan 26 nəfər saxlanılıb.

Minval.info xəbər verir ki, saxlanılan şəxslərdən 7-si Azərbaycan, 8-i Əfqanıstan, 4-ü Pakistan, 3-ü İran, 1-i Türkiyə, 1-i Livan, 1-i Rusiya və 1-i Nigeriya vətəndaşıdır.

Qanunsuz miqrasiyaya qarşı mübarizə çərçivəsində saxta sənədlərlə sərhədi keçməyə çalışan 9 nəfər də saxlanılıb.

Qaqik çarukyanın başı dərdə: 2,5 milyon dollar və çirkli pullar ittihamı

ƏLAQƏLİ

Bunu da oxu

Qaqik çarukyanın başı dərdə: 2,5 milyon dollar və çirkli pullar ittihamı

06.08.2026 - 19:11

Sərhəd rejim qaydalarını pozan 44 nəfər haqqında müvafiq tədbirlər görülüb.

Cinayətkarlığa qarşı mübarizə nəticəsində hüquq-mühafizə orqanlarının axtarışında olan 330 nəfər saxlanılıb və aidiyyəti orqanlara təhvil verilib. Ölkədən çıxışı qadağan edilən 797 nəfərin ölkəni tərk etməsinin, girişi qadağan olan 31 nəfərin isə ölkəyə daxil olmasının qarşısı alınıb.

Narkotik vasitələrin qanunsuz dövriyyəsinə qarşı tədbirlər nəticəsində 105 kiloqram 793 qram narkotik maddə, 64 litr narkotik məhlul və 3309 ədəd müxtəlif tərkibli həb aşkarlanaraq dövriyyədən çıxarılıb. Bir halda pilotsuz uçuş aparatı vasitəsilə 330 qram narkotik vasitə və 790 ədəd psixotrop həb də ələ keçirilib.