Rusiyadan ermənistana buğda axını: Azərbaycandan tranzitlə keçən yeni marşrutun detalları

Rusiyadan Ermənistana Azərbaycandan tranzit yolu ilə növbəti buğda tədarükü həyata keçirilib. Bu dəfə 420 ton buğda, 6 vaqondan ibarət yük qatarı ilə Azərbaycan Dəmir Yolları QSC-nin Biləcəri stansiyasından Böyük Kəsik istiqamətinə yola salınıb.

Minval.info xəbər verir ki, indiyə qədər Rusiyadan Ermənistana Azərbaycandan tranzit keçməklə 40 min tondan çox taxıl, 9 min tona yaxın gübrə, 1136 ton propan, 133 ton alüminium, 1114 ton kömür və 67 min ton taxta göndərilib. Eyni zamanda, Azərbaycandan Ermənistana 15 min tona yaxın dizel və 5 min tona yaxın Aİ-92 və Aİ-95 benzini ixrac olunub.