Qobustanda yeni körpü tikintisi sürətlə davam edir

Bakının Qaradağ rayonunun Qobustan qəsəbəsində yerləşən Bakı–Ələt–Qazax–Gürcüstanla dövlət sərhədi avtomobil yolunun 55-ci kilometrində yeni körpünün dayaqlarının inşası uğurla tamamlanıb. Hazırda aşırım tirlərinin quraşdırılması işləri sürətlə davam etdirilir.

Minval.info xəbər verir ki, Azərbaycan Avtomobil Yolları Dövlət Agentliyinin məlumatına görə, tikinti işlərinin yaxın müddətdə tamamlanması planlaşdırılır. Bu, ərazidə daha rahat və təhlükəsiz nəqliyyat hərəkətinin təmin olunmasına şərait yaradacaq. Bundan əvvəl yolun Bakı istiqamətində yerləşən körpü yenidən inşa edilərək istifadəyə verilmişdi. Hazırda işlər əks istiqamətdə davam etdirilir.