Qobustanda 38 günə yeni körpü istifadəyə verildi

Qobustan qəsəbəsi ərazisində, M-2 Bakı–Ələt–Qazax–Gürcüstanla dövlət sərhədi avtomobil yolunun 55-ci kilometrliyində yeni körpü inşa edilib. Bu körpü cəmi 38 gün ərzində tikilib və müasir norma və standartlara cavab verir. Mövcud körpü sökülərək yerində yeni biraşırımlı körpü qurulub. Körpünün dayaqları və aşırım qurğusu tikilib, yanaşma hissələri abadlaşdırılıb, təhlükəsizlik çəpərləri, səki və digər yol infrastrukturu elementləri quraşdırılıb.

Minval.info xəbər verir ki, yeni körpünün inşası nəqliyyat vasitələrinin daha rahat və təhlükəsiz hərəkətini təmin etmək məqsədini daşıyır. Xatırladaq ki, bir müddət əvvəl magistral yolun Bakı istiqamətində yerləşən körpü də yenidən inşa edilərək istifadəyə verilmişdi.