Qaradağda 70 minlik oğurluq: İşçi saxlanıldı

Qaradağ rayonunda yerləşən bir şirkətin anbarından ümumi dəyəri 70 min manata yaxın olan mobil telefon və aksesuarlar oğurlanıb. Bu barədə Daxili İşlər Nazirliyinə məlumat daxil olub.

Minval.info xəbər verir ki, polis əməkdaşları hadisəni törətməkdə şübhəli bilinən 33 yaşlı A.Bağırov və 35 yaşlı R.Rəsullunu müəyyən edərək saxlayıblar. Araşdırma zamanı məlum olub ki, R.Rəsullu həmin anbarda çalışırmış. Faktla bağlı cinayət işi başlanıb və araşdırmalar davam etdirilir.