Qarabağ”ın zədəli ulduzları: Son durum açıqlanıb

Qarabağ"ın zədəli ulduzları: Son durum açıqlanıb

“Qarabağ” futbol klubunun zədəli oyunçularının son vəziyyəti barədə məlumat verilib. Klubun yarımmüdafiəçisi Pedro Bikalyonun zədəsi tam sağalıb və o, artıq komanda ilə məşqlərə başlayıb.

Minval.info xəbər verir ki, Renaldo Sefasın müalicəsi davam edir və onun bərpa prosesində müsbət irəliləyişlər müşahidə olunur. Futbolçunun “Tvente” ilə UEFA Konfrans Liqasının pley-off mərhələsinin cavab oyununda iştirak etmə ehtimalı var. Lakin onun meydana çıxması ilə bağlı yekun qərar son vəziyyətinə əsasən veriləcək.

Elvin Cəfərquliyev isə UEFA Konfrans Liqasının III təsnifat mərhələsində “Dinamo” (Kiyev) ilə keçirilən cavab oyununda aldığı zədə səbəbindən əməliyyat olunacaq. Avqustun 13-də baş verən zədədən sonra aparılan müayinələr nəticəsində sol budun arxa əzələ qrupunda zədələnmə müəyyən edilib. İlkin müalicə və reabilitasiya tədbirləri gözlənilən nəticəni vermədiyi üçün avropalı mütəxəssislərlə məsləhətləşmələrdən sonra əməliyyat qərarı alınıb. Elvin Cəfərquliyevin tam bərpası və futbola qayıtması təxminən 3 ay çəkə bilər.