Qarabağ" azarkeşlərə bilet xəbərdarlığı etdi

“Qarabağ” futbol klubu UEFA Konfrans Liqasının pley-off mərhələsində “Tvente” ilə qarşılaşmadan əvvəl azarkeşlərə müraciət edib. Klub, oyunun başlamasına bir saat qalmış stadionun kassalarında bilet satışının dayandırılacağını bildirib.

Minval.info xəbər verir ki, bu qərar, oyun öncəsi hazırlıq və təşkilati işlərin tam şəkildə həyata keçirilməsi, eləcə də azarkeşlərin stadiona rahat və təhlükəsiz girişinin təmin olunması məqsədilə qəbul edilib. Klub, azarkeşlərdən biletləri əvvəlcədən əldə etməyi xahiş edib.

Qeyd edək ki, komandalar arasında pley-off mərhələsinin Niderlandda keçirilən ilk oyunu “Qarabağ”ın 1:0 hesablı qələbəsi ilə başa çatıb. Cavab qarşılaşması avqustun 27-də saat 20:00-da Tofiq Bəhramov adına Respublika stadionunda keçiriləcək.