Narkotikin təsiri altında sükan arxasında: Masallı sakininin 15 günlük həbs hekayəsi

Masallı rayon sakini C.Ağayev narkotik təsiri altında avtomobil idarə etdiyi üçün həbs olunub.

Minval.info xəbər verir ki, C.Ağayevin idarə etdiyi “VAZ-2101” markalı avtomobil Astara rayonu ərazisində yerləşən stasionar postda Baş Dövlət Yol Polisi İdarəsinin Yol Patrul Xidməti əməkdaşları tərəfindən saxlanılıb. Sənədlərin yoxlanılması zamanı sürücünün şübhəli davranışları səbəbindən tibbi müayinədən keçirilməsi təmin edilib.

Müayinə nəticəsində onun narkotik maddə qəbul etdiyi və narkotik sərxoşluğu vəziyyətində olduğu müəyyən edilib. Məhkəmənin qərarı ilə C.Ağayev 15 gün müddətinə inzibati qaydada həbs edilib.

ƏLAQƏLİ

Bunu da oxu

Qaqik Tsarukyanın fırıldaqçılıq ittihamlarına cavabı: milyondolarlıq qalmaqal

12.10.2026 - 13:54