Nəriman Axundzadənin sürpriz qərarı: ABŞ-dan Türkiyə super liqasına transfer!

Azərbaycan milli komandasının hücumçusu Nəriman Axundzadə, ABŞ-ın ‘Kolambus Kryu’ klubundan ayrılaraq karyerasını Türkiyədə davam etdirmək qərarına gəlib.

Minval.info xəbər verir ki, 23 yaşlı futbolçu, gələn mövsümdən etibarən Türkiyə Super Liqasında mübarizə aparacaq ‘Erzurumspor’la müqavilə bağlayıb. ‘Erzurumspor’, I Liqanın son çempionu olaraq 5 illik fasilədən sonra yenidən Super Liqada iştirak hüququ qazanıb.

Nərimanın ABŞ çempionatının Şərq zonasında 20 xalla 11-ci sırada olan ‘Kolambus Kryu’nu tərk etməsi şəxsi qərarı olub. O, klub rəhbərliyinə daha çox oyun vaxtı ala bilmədiyini və ehtiyatda qalmaqdan narazı olduğunu bildirib. Futbolçu, karyerasına yeni bir istiqamət vermək üçün ‘Xəzər Lənkəran’da başladığı futbol yolunu Türkiyədə davam etdirmək istəyib və bu istəyinə müsbət cavab alıb.