Moskvada səfirliyimizə qarşı təxribat: Kimlərdir?

Moskvada Azərbaycan səfirliyinin qonaq evinin qarşısında keçirilən təxribat xarakterli aksiyaya görə məsuliyyəti Eduard Limonovun yaratdığı Milli Bolşevik Partiyasının tərəfdarları öz üzərlərinə götürüblər.

Minval.info xəbər verir ki, bu şəxslər səfirliyin qarşısında Azərbaycan əleyhinə plakatlar yerləşdiriblər. Plakatlarda “Rus vətəndaşlarından əl çəkin!”, “Rus qanı sizin əllərinizdədir!” kimi şüarlar yer alıb.

Azərbaycan Xarici İşlər Nazirliyi hadisə ilə bağlı etiraz bəyanatı yayaraq Rusiya Federasiyasının aidiyyəti qurumlarından bu kimi təxribatçı əməllərə lazımi hüquqi qiymət verməyə, insidentin hərtərəfli araşdırılmasını təmin etməyə və bu cür halların təkrarlanmasının qarşısını almaq üçün zəruri tədbirlər görməyə çağırıb.