Maaş kartları ilə bağlı inqilabi dəyişiklik: Vətəndaşlar üçün sərfəli seçimlər açılır

Azərbaycan Mərkəzi Bankı maaş və pensiya kartları ilə bağlı yeni qaydalar hazırlayıb. Bu qaydalar vətəndaşlara əməkhaqqı və pensiyalarını istədikləri bank hesabına köçürmək imkanı verəcək, beləliklə banklar arasında rəqabət artacaq.

Minval.info xəbər verir ki, bu dəyişikliklər bank xidmətlərinin keyfiyyətini yüksəltməklə yanaşı, vətəndaşlara daha sərfəli seçimlər təqdim edəcək. İqtisadçı Günay Hüseynova bildirir ki, bu mexanizm Türkiyədə uğurla tətbiq olunur və vətəndaşlara geniş seçim imkanı yaradır.

Yeni qaydalar çərçivəsində banklar müştəriləri cəlb etmək üçün müxtəlif kampaniyalar keçirə bilərlər. Məsələn, bəzi banklar pensiyasını onlardan alan müştərilərə bonuslar və ya faizsiz ödəniş imkanları təqdim edir. Bu təşviqlər vətəndaşların bank seçiminə müsbət təsir göstərəcək və bankların xidmət keyfiyyətini artırmağa yönəldəcək.