Maarifçi" intellektual oyununda gənclər bilik yarışında qələbə üçün mübarizə Apardı

Elm və Təhsil Nazirliyinin təşəbbüsü və Təhsilin İnkişafı Fondunun dəstəyi ilə IV “Maarifçi” tələbə-məzun proqramı çərçivəsində intellektual oyun təşkil edilib. Bu tədbir “Nə? Harada? Nə zaman?” formatında keçirilib.

Minval.info xəbər verir ki, bu intellektual yarışma “Maarifçi”lərin asudə vaxtlarının səmərəli keçməsi, şəxsi və peşəkar inkişaflarının dəstəklənməsi, komanda ruhunun gücləndirilməsi və yeni əlaqələrin qurulması məqsədilə təşkil olunub.

Sənaye və İnnovasiyalar üzrə Bakı Dövlət Peşə Təhsil Mərkəzində baş tutan yarışda iştirakçılar 6 komandaya ayrılaraq bilik və məntiq bacarıqlarını sınayıblar. “Murov”, “Aypara”, “Rəşadət”, “İstiqlal”, “Füyuzat” və “Çələbi” adlanan komandalar müxtəlif mövzularda suallara cavab veriblər.

ƏLAQƏLİ

Bunu da oxu

İki məktəb direktoru niyə vəzifələrindən ayrıldı? – Təhsil sistemində növbəti dəyişikliklər

17.08.2026 - 20:57

Yarışda iştirakçılar arasında rəqabət şəraiti yaradılaraq, onların biliklərini nümayiş etdirmələri ilə yanaşı, komanda işi, çevik düşünmə, məntiqi təhlil və qərarvermə bacarıqlarının inkişafına da töhfə verilib.

Yarışın sonunda qalib komanda müəyyənləşdirilib və onlara diplom təqdim olunub. Fərqlənən iştirakçılar isə “Ən yaxşı komanda oyunu göstərən”, “Ən hazırcavab” və “Ən pozitiv” nominasiyaları üzrə sertifikatlarla təltif olunublar.

Qeyd edək ki, “Maarifçi” tələbə-məzun proqramının əsas məqsədi gənclərin dövlət idarəçiliyi sahəsində praktiki bilik və bacarıqlarının artırılması, onların peşəkar inkişafının dəstəklənməsi və gələcək karyera imkanlarının genişləndirilməsidir. Proqram çərçivəsində seçilmiş 53 iştirakçı Elm və Təhsil Nazirliyinin struktur bölmələri və tabeli qurumlarında, regional təhsil idarələrində, həmçinin Naxçıvan Muxtar Respublikasının Təhsil Nazirliyində təcrübə keçirlər.

ƏLAQƏLİ

Bunu da oxu

Xırdalanda nəqliyyat xaosu: 8 marşrutun istiqaməti dəyişdi, sakinlər nə etməli?

17.08.2026 - 20:32