Məktəbli forması seçimi valideynlərin ixtiyarında!

Məktəbli formalarının alınması prosesi valideynlərin sərbəst seçiminə buraxılıb. Bu barədə Məktəbəqədər və Ümumi Təhsil üzrə Dövlət Agentliyi məlumat verib. Valideynlər, övladlarının təhsil aldığı məktəblərdən və ya yerli təhsili idarəetmə bölmələrindən məktəbli formaları ilə bağlı ətraflı məlumat əldə edə bilərlər.

Minval.info xəbər verir ki, Azərbaycan Respublikasının Nazirlər Kabinetinin 17 mart 2022-ci il tarixli qərarına əsasən, dövlət ümumi təhsil müəssisələrində dörd növ geyim formasından biri tətbiq edilir. Hər bir təhsil müəssisəsinin Pedaqoji Şurası bu qərarı təsdiqləyib və vahid geyim forması ən azı üç tədris ili ərzində dəyişilməz qalır.