"Lady Sharm" vətəndaşları aldatmağa davam edir - "Deyilənlər yalandır..." - Fotofakt
Dünən Bakının məşhur brend mağazası kimi tanınan “Lady Sharm” da hüquq-mühafizə orqanı əməkdaşları tərəfindən əməliyyat keçirildi. Məlum oldu ki, burada Çindən gətirilən ucuz və aşağı keyfiyyətli malların üzərinə dünyaca məşhur brend şirkətlərin etiketləri tikilərək insanlar aldadılır. Bunun üçün hətta xüsusi sexlərin fəaliyyət göstərdiyi ortaya çıxıb.
Minval.info xəbər verir ki, fırıldaqçılıq işi ilə əlaqədar şirkətin məsul şəxsləri məsuliyyətə cəlb olunub və əməllərini etiraf edib. Amma “Lady Sharm” mağazalar şəbəkəsinin sosial media hesabı əvvəlki kimi fəaliyyət göstərərək mallarını satmağa çalışır. Səhifəni izləyən istifadəçilər buna etiraz edərək bir gün öncə bütün televiziya kanallarında və elektron media orqanlarında onların fırıldaqçılıqla məşğul olduğu barədə yayılan rəsmi məlumatı diqqətə çatdırıb.
Maraqlıdır ki, “Lady Sharm”ın admini deyilənlərə “əlbəttə, yanlış məlumatdır” reaksiyası verib. Həmçinin səhifədə qeyd edilib ki, mağazanın filialları fəaliyyətini davam etdirir. Bununla “Lady Sharm” mağazaları satışını davam etdirməkdə israrlı görünür. Bəzi xəbərsiz olan insanları cəlb edərək ucuz və aşağı keyfiyyətli malları brend adı altında baha qiymətə satmağa çalışır.
Xatırladaq ki, dünən Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşlarının (DİN) “Lady Sharm” mağazalar şəbəkələrində keçirilən xüsusi əməliyyatla bağlı rəsmi açıqlama yayıb. Qeyd edilən şirkətin sahiblərindən biri, Cəlilabad rayon sakini Elnur İsmayılov, həmin şirkətin baş mühasibi Ziyarət Abbasov, şirkətin məsul əməkdaşları Valeh Qarayev və Fuad Əlizadə saxlanılaraq istintaqa təqdim ediliblər.
Araşdırma zamanı müəyyən edilib ki, mağazalarda satışa çıxarılan Çin Xalq Respublikasında istehsal edilən aşağı keyfiyyətli paltarların etiketləri dünyaca məhşur bredlərin saxta etiketləri tikilərək dəyərindən dəfələrlə baha qiymətə mağazalarda müştərilərə təqdim edilib.
“Lady Sharm”ın fəaliyyət göstərən 12 mağazasında yoxlama aparılan zaman etiketləri dəyişdirilən saxta geyim əşyaları və xəz dəri məhsulları aşkar edilərək maddi sübut kimi götürülüb.
ƏLAQƏLİ
Aydın Mirzəzadədən məktəbli geyimi ilə bağlı açıqlama: Milli ənənələr nəzərə alınıb
Əməliyyat tədbirlərinin davamı olaraq “Lady Sharm” mağazalar şəbəkəsinin paytaxt ərazisində fəaliyyət göstərən gizli tikiş sexi və anbarı da aşkar edilib.
Samir Mirzə / Minval.info
Həmçinin oxu: Polis “Lady Sharm” mağazalar şəbəkəsində xüsusi əməliyyat keçirdi – dörd nəfər həbs edildi (FOTOLAR)
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Məktəb mədrəsə deyil, öz qaydaları var
İlqar Fəhmi məktəbli forması qərarını dəstəkləyir: Zərurət var
Əməkdar jurnalist Məhəbbət Mirzəyeva vəfat etdi
Məktəbdə qalmaqal: yüksək bal toplayan müəllim niyə kənarda qaldı?
Yasamalda şəhid Hüseyn Tağıyevin anım mərasimi keçirilib
Sabah leysan yağacaq, şimşək çaxacaq - 09.10.2026
