Laçında enerji əməkdaşlığı: Azərbaycan-Ermənistan görüşü

Laçın şəhərində Azərbaycan və Ermənistan arasında enerji əməkdaşlığı üzrə mühüm görüş baş tutub. Görüşdə Azərbaycanın Energetika Nazirliyi və “Azərenerji” ASC, Ermənistanın Ərazi İdarəetmə və İnfrastruktur Nazirliyi və “Elektrik Enerjisi Sisteminin Operatoru” şirkətinin nümayəndələri iştirak ediblər.

Minval.info xəbər verir ki, görüş zamanı tərəflər iki ölkə arasında elektrik enerjisinin idxalı və ixracı imkanlarını, eləcə də bu məqsədlə enerji infrastrukturlarının dövlət sərhədində əlaqələndirilməsinin mümkün variantlarını müzakirə ediblər.