Kürdəmirli oğru qızılları satıb avtomobil aldı

Kürdəmir rayonunda oğurluq hadisəsi baş verib. Ümumi dəyəri 7 min manat olan qızıl-zinət əşyalarının oğurlanması ilə bağlı polisə məlumat daxil olub. Hadisəni törətməkdə şübhəli bilinən və əvvəllər dəfələrlə məhkum olunmuş 40 yaşlı Nazir Qasımov saxlanılıb.

Minval.info xəbər verir ki, araşdırmalar nəticəsində Nazir Qasımovun oğurladığı qızılları paytaxtda yerləşən qızıl alqı-satqı məntəqələrindən birində satdığı və əldə etdiyi pullarla avtomobil aldığı müəyyən edilib. Faktla bağlı cinayət işi başlanılıb və məhkəmənin qərarı ilə N.Qasımov barəsində həbs qətimkan tədbiri seçilib.