Kübra Əliyeva: “Üzüm iflic olmuşdu”

Əməkdar artist Kübra Əliyeva səhhəti ilə bağlı açıqlama verib.

Minval.info xəbər verir ki, sənətçi “Xəzər axşamı” verilişində qonaq olarkən hazırda özünü yaxşı hiss etdiyini bildirib.

Aktrisa iki dəfə ağır şəkildə yıxıldığını və həmin vaxt xəstəxanaya gedərkən yeriyə bilmədiyini deyib.

Kübra Əliyeva 1999-cu ildə üz iflici keçirdiyini də xatırladıb:

“İndi yaxşıyam, Allaha şükür. İki dəfə çox pis yıxılmışdım, xəstəxanaya gedəndə yeriyə bilmirdim. 1999-cu ildə üzüm iflic olmuşdu. Qurban olum Rəbbimə, ancaq üzümə vermişdi.”

Onun sözlərinə görə, həmin dövrdə altı ay teatrdan uzaq qalıb və hətta sənət fəaliyyətinin başa çatacağını düşündüyü üçün Kürdəxanıda özünə ev tikdirib.

Sənətçi bildirib ki, ilkin müalicə düzgün aparılmadığından üzünün simmetriyası pozulub. Sonradan aldığı müalicə nəticəsində isə üzündəki problemlərin təxminən 80 faizini bərpa edə bilib.