Kəramət Böyükçöl Xəlil Rza Ulutürkü təhqir etdiyi üçün üzr istədi - FOTO

Bir müddət əvvəl gənc yazar Kəramət Böyükçöl  Azərbaycanın mübariz xalq şairi Xəlil Rza Ulutürkü təhqir edərək, aşağılamışdı. 

Yazdıqlarına görə sosial mediada tənqidlərə məruz qalan gənc yazar “facebook” hesabını bağlamışdı.

Minval.İnfo xəbər verir ki, hazırda facebook hesabını bərpa edən K.Böyükçöl yeni bir status yazaraq hamıdan üzr isəyib:

“Bir neçə gün bundan əvvəl feysbuk səhifəmdə Xəlil Rza Ulutürk haqqında yazdığım fikirlər birmənalı qarşılanmadı. Sərt reaksiya göstərildi. Mən şəhid atası Xəlil Rza haqqında səsləndirdiyim fikirlərin kökündən yalnış olduğunu anladım və buna görə Xəlil Rzanın və onun qəhrəman oğlu şəhid Təbirz Xəlilbəylilinin ruhundan, onların ailəsindən, eyni zamanda Xəlilsevərlərdən üzr istəyirəm. Şəhidlər torpağa basdırılmış ehtiyat qüvvələrimizdir. Nə qədər torpaq altında yatan şəhidlərimiz var, vətənimiz bir o qədər böyük və qüdrətlidir”.