İylənmiş kolbasa ilə bağlı "Araz" marketdən açıqlama - FOTO

Xəbər verdiyimiz kimi, Bakı sakini Nurlan Mirəli “Araz” marketlər şəbəkəsinin Nizami rayonu ərazisində yerləşən filialından Rusiya istehsalı olan “ЦАРИЦЫНО” kolbasasını alıb.

Müştərinin bildirdiyinə görə, istifadə müddətinin başa çatmasına 11 gün qalmasına baxmayaraq kolbasadan üfunət iyi gəlib. 

Məsələ ilə bağlı “Minval.İnfo” saytına danışan mətbuat xidmətinin rəhbəri Billurə Əmirova bildirib ki, məsələ saytınızda işıqlandırıldıqdan sonra dərhal araşdırılıb:

““ЦАРИЦЫНО” kolbasasının həmin çeşidləri marketlərdən yığışdırıldı və tədarükçü şirkətə xəbərdarlıq olundu. Onu da qeyd edim ki, “ЦАРИЦЫНО” kolbasaları Rusiya istehsalıdır. Vitrinlərdən standartlara uyğun olaraq bitmə vaxtına 5 gün qalmış yığışdırılır”.

Minval.info