İllərlə ayrılan bu qədər puldan sonra... - Kamran Ağabalayev
Kamran Ağabalayev: “Milyonlarla manat kinoya xərcləndi, amma nə tamaşaçı qaldı, nə də film”
Azərbaycanlı aktyor Kamran Ağabalayev ölkədə kinoya ayrılan dövlət vəsaitləri ilə bağlı tənqidi fikirlər səsləndirib.
Minval.info xəbər verir ki, sənətçi bu barədə “facebook” hesabında paylaşım edib.
“İllər boyu filmlərə dövlət pul ayırdı… Amma ortaya nə çıxdı? Milyonlarla manat büdcə vəsaiti “kino inkişafı” adı ilə xərcləndi, amma nə tamaşaçı qaldı, nə də yadda qalan filmlər”, – deyə aktyor yazıb.
Ağabalayev əlavə edib ki, Azərbaycan kinosu illərdir xalqdan uzaq düşüb:
“Bizim kinomuz sanki xalqdan uzaq düşdü — ekranda nə özümüzü, nə də həyatımızı görürük. Əgər illərlə ayrılan bu qədər puldan sonra nəticə yoxdursa, indi dövlət niyə yenə kinoya pul ayırsın? Əgər sistem eyni qalacaqsa, nəticə də dəyişməyəcək. Kino sadəcə maliyyə layihəsi deyil, bir millətin mədəni güzgüsüdür. Pul rejissorun azad düşüncəsinə, gənc yaradıcı insanların səsinə, ssenarilərə getməlidir, yoxsa kabinetlərdə “hesabat filmlərinə” çevriləcək”.
Sənətçi qeyd edib ki, kinonun dirçəlməsi üçün azadlıq və dürüstlük vacibdir:
“Əsl kino azadlıqla yaranır. Dürüst, cəsarətli və xalqla danışan kino olmasa — nə qədər pul xərcləsək də, boşdur. Vallah, ayrılmasın, ayrılmasın bilək ayrılmadı və heç kim yeməyəcək”.
Minval.info
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
"Həmin gündən düz 47 il keçdi" - Fotolar
Rəşidə Behbudova ailə səadətini paylaşdı: İzləyicilər heyran qaldı
Azərbaycanlı professor türk dünyasının nüfuzlu elm mükafatına layiq görüldü
Flora Kərimovanın nəvəsi evlənir: Xalq artistindən duyğusal təbrik
Fəxrəddin Manafovun həyat hekayəsi: Futboldan kinoya uzanan yol
Cahangir Novruzovun Nəsibə Neynalova ilə unudulmaz mübahisəsi
