Heyvanlardan gələn təhlükə: Qarayara xəstəliyinin gizli təhdidləri nədir?

Qarayara, elmi adı ilə antraks, Bacillus anthracis bakteriyası tərəfindən törədilən və əsasən heyvanlardan insanlara keçən ciddi yoluxucu xəstəlikdir. Bu bakteriyanın sporları torpaqda uzun müddət qala bilər və əlverişli şəraitdə heyvanları və insanları yoluxdura bilər.

Minval.info xəbər verir ki, xəstəlik daha çox iribuynuzlu və xırdabuynuzlu heyvanlarda müşahidə olunur. İnsanlar isə əsasən xəstə və ya ölmüş heyvanlarla, onların ət, qan, dəri, yun, tük və digər məhsulları ilə təmas nəticəsində bu xəstəliyə yoluxa bilərlər.

Qarayara bakteriyası orqanizmə dəridəki kəsik və ya sıyrıqlar vasitəsilə daxil ola bilər. Çirklənmiş ət və digər məhsulların qəbul edilməsi ilə həzm sisteminə düşə bilər və ya sporların tənəffüs yolu ilə qəbul edilməsi nəticəsində ağciyər formasına səbəb ola bilər.

Baş məşqçi Ronaldoya barışıq təklifi irəli sürüb

ƏLAQƏLİ

Bunu da oxu

Baş məşqçi Ronaldoya barışıq təklifi irəli sürüb

03.10.2026 - 19:16

Vacibdir ki, qarayara adi qrip və ya digər respirator infeksiyalar kimi insandan-insana asanlıqla yayılan xəstəlik deyil. Əsas yoluxma mənbəyi xəstə heyvanlar və onların çirklənmiş məhsullarıdır.

İnsanlarda xəstəliyin əlamətləri yoluxmanın formasından asılı olaraq dəyişir. Ən çox rast gəlinən forma dəridə qaşınan qabarcıq və ya kiçik şişkinliklə başlayır. Daha sonra bu nahiyədə ağrısız, ortası qara rəngli yaraya çevrilən zədələnmə və ətrafında nəzərəçarpacaq şişkinlik meydana çıxa bilər. Əllər, qollar, üz və boyun daha çox zədələnən nahiyələrdir.

Çirklənmiş və kifayət qədər bişirilməmiş ətin qəbulundan sonra qarın ağrısı, ürəkbulanma, qusma, ishal, qızdırma və ağır hallarda qanlı qusma və ya qanlı ishal müşahidə oluna bilər.