Gözəllik salonunda dəhşətli hücum: Tanışını qətlə yetirmək istəyən şəxsə ağır cəza verildi
Bakı şəhərində gözəllik salonunda tanışını öldürməyə cəhd edən şəxsə məhkəmə tərəfindən hökm oxunub.
Minval.info xəbər verir ki, Bakı Ağır Cinayətlər Məhkəməsində hakim Səbinə Məmmədzadənin sədrliyi ilə keçirilən iclasda Samir Həsənov adlı şəxsin cinayət işi üzrə qərar verilib. Hökmə əsasən, o, 10 il 6 ay müddətinə azadlıqdan məhrum edilib.
Hadisə 2025-ci ilin noyabr ayında baş verib. İttihama görə, Samir Həsənov tanışı Cahan Çələbiyeva ilə aralarında yaranmış mübahisə nəticəsində onu döyərək müxtəlif bədən xəsarətləri yetirib. Daha sonra, qisas almaq məqsədilə, Cahan Çələbiyevanın işlədiyi gözəllik salonuna gələrək, ona kəsici-deşici alətlə hücum edib. Xəstəxanaya çatdırılan Çələbiyevanın həyatı xilas edilib.
Samir Həsənov Cinayət Məcəlləsinin 29 və 120.1-ci maddələri ilə, yəni qəsdən adam öldürməyə cəhd ittihamı ilə məhkəmə qarşısına çıxarılıb.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Azərbaycanda cinayət törədən qadınların sayı artdı: Səbəblər nədir?
Vüqar Məmmədovun məhkəməsində "işgüzar nüfuz" davası: Kimlər şikayətçidir?
