Gənclik Mall önündə tıxacın gizli səbəbi açıqlandı

Bakının Əhməd bəy Ağaoğlu və Fətəli Xan Xoyski küçələrinin kəsişməsində günün müəyyən saatlarında nəqliyyat sıxlığı müşahidə edilir. Bu vəziyyətin əsas səbəbi kimi “Gənclik Mall” alış-veriş mərkəzinin girişindəki avtomobillərin yeraltı parklanma sahəsinə daxil olması göstərilir. Bu, Əhməd bəy Ağaoğlu küçəsindən gələn nəqliyyat axınının hərəkətini ləngidir.

Minval.info xəbər verir ki, yolun buraxıcılıq qabiliyyətinin mövcud nəqliyyat axınına tam uyğun olmaması və piyada keçidlərindəki işıqforların hərəkətə təsiri də sıxlığın yaranmasına səbəb olur. Ərazidə hərəkətin daha səmərəli təşkili üçün işıqforla tənzimləmə variantı nəzərdən keçirilə bilər.