Fəxrəddin Allahverdiyev Avropada 3 gümüş medal qazandı

Azərbaycanın istedadlı ağırlıqqaldıranı Fəxrəddin Allahverdiyev, Priştinada keçirilən U-15 və yeniyetmələrin Avropa birinciliyində uğurla çıxış edərək 3 gümüş medal qazanıb. 85 kq çəki dərəcəsində yarışan idmançı, birdən qaldırma hərəkətində 122 kq, təkanla qaldırmada isə 150 kq çəkini qaldıraraq hər iki növdə gümüş medala layiq görülüb. Ümumilikdə 272 kq nəticə göstərən Fəxrəddin Allahverdiyev, iki hərəkətin cəmində də gümüş mükafat əldə edib.

Minval.info xəbər verir ki, Azərbaycan yığma komandası bu Avropa birinciliyində ümumilikdə 3 qızıl, 5 gümüş və 7 bürünc medal qazanaraq, 15 medalla yarışları başa vurub.