Digahda məhkuma aid gizli silah anbarı tapıldı: Əməliyyatın təfərrüatları

Abşeron rayonu, Digah qəsəbəsində aparılan əməliyyat nəticəsində məhkuma aid silah-sursat aşkar edilib. Ədliyyə Nazirliyi və Daxili İşlər Nazirliyinin birgə həyata keçirdiyi əməliyyat zamanı tapılan silahlar arasında “Kalaşnikov” avtomatı, bir daraq və 96 ədəd 7,62 kalibrli güllə, eləcə də bir əl qumbarası var.

Minval.info xəbər verir ki, bu silah-sursatın cəzaçəkmə müəssisəsində cəza çəkən məhkum tərəfindən həbs edilməmişdən əvvəl torpağa basdırılaraq gizlədildiyi müəyyən edilib. Hazırda faktla bağlı araşdırmalar davam etdirilir.