Dərman qiymətləri qalxır: Şəkər xəstələri narazıdır

Son günlərdə Antiinhisar və İstehlak Bazarına Nəzarət Dövlət Agentliyinin “Buta” apteklər şəbəkəsini dərman qiymətlərini 20 qəpik baha satdığı üçün 4 000 manat cərimələməsi dərman qiymətləri ilə bağlı müzakirələri yenidən gündəmə gətirib. Vətəndaşlar bəzi apteklərdə dövlət tərəfindən tənzimlənən dərmanların müəyyən edilmiş qiymətdən baha satıldığını iddia edirlər.

Minval.info xəbər verir ki, Azad İstehlakçılar Birliyinin sədri Eyyub Hüseynov bildirib ki, 3 mindən çox dərmanın yuxarı qiymət həddi dövlət tərəfindən müəyyənləşdirilib. “Tənzimlənən qiymətdən yuxarı dərmanların satışı qadağandır. Lakin bəzi dərmanların qiyməti qonşu ölkələrdə Azərbaycandan daha ucuzdur. Bu, əlbəttə, biznes qurumlarının maraqlarına uyğundur,” – deyə o qeyd edib.

Eyyub Hüseynov əlavə edib ki, dövlət tərəfindən tənzimlənən dərmanların qiymət siyahısı bütün apteklərdə olmalıdır və istehlakçılar aldıqları dərmanın qiyməti ilə bağlı diqqətli olmalıdırlar. O, həmçinin şəkərli diabetdən əziyyət çəkən şəxslər üçün bəzi dərmanların pulsuz verilmədiyini və onların qiymətinin nisbətən baha olduğunu vurğulayıb. Dövlətin bu dərmanların təminatını nəzərdən keçirməsi təklif olunur.

ƏLAQƏLİ

Bunu da oxu

Azərbaycanda ilk kriptovalyuta müsadirəsi baş verdi

24.08.2026 - 18:03

İstehlakçılar Antiinhisar və İstehlak Bazarına Nəzarət Dövlət Agentliyi ilə sıx əlaqədə olmalı və belə hallar baş verdikdə operativ şəkildə qarşısı alınmalıdır. Zəruri hallarda cərimələr tətbiq olunmalıdır.