"Əbülfəs Qarayev nazir postundan azad edilməsəydi..." — Fazil Mustafa
“Əbülfəs Qarayevin mədəniyyət naziri postundan uzaqlaşdırılması bu nazirlikdə korrupsiyaya qarşı mübarizə çərçivəsində həyata keçirilən əməliyyatların məntiqi davamıdır”.Bunu “Ölkə.Az”a açıqlamasında deputat Fazil Mustafa deyib.
Onun sözlərinə görə, əgər Əbülfəs Qarayev nazir postundan azad edilməsəydi, bu hakimiyyətin imicini müəyyən mənada şübhə altına alardı: “Necə ola bilir nazir müavini, idarə rəisi həbs olunur, amma nazir cəzalandırılmır. Nazir bu məsələdə birbaşa məsuliyyət daşıyan şəxslərdən biridir. Ona görə də Qarayevin vəzifədən uzaqlaşdırılması normal qərardır”- deputat qeyd edib.
Deputat hesab edir ki, nazirin də məsuliyyəti baş verən məsələlərdə araşdırılmalıdır: “Əgər onun bu məsələlərdə əməlləri sübut olunarsa, məsuliyyətə cəlb olunaraq cəzalandırılmalıdır”.
ƏLAQƏLİ
Goranboyda sursat anbarında dəhşətli anlar: Yanğın və partlayış baş verdi, əhali təxliyə olundu – RƏSMİ MƏLUMAT
Yeni təyin olunacaq nazirin hansı keyfiyyətlərə malik olmasına gəldikdə isə deputat bildirib ki, yeni nazir yüksək səviyyəli, bacarıqlı, mədəniyyətimizə və tariximizə yanğısı olan bir insan olmalıdır: “Əgər belə bir nazir olacaqsa, mədəniyyətimizin inkişafına töhfə verə biləcək”.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Çingiz Abdullayev jurnalistlərə səsləndi: “Buna son qoymağın vaxtı deyilmi?”
Bloger 'by ella' həbsdən necə azad edildi? – Məhkəmənin qərarı açıqlandı
Tiktokerin keçmiş ərinin Türkiyədə cəsədi tapıldı
