Baş prokurorluqdan qətiyyətli addım: Azərbaycan əleyhinə çağırış edən ruslar axtarışa verildi
Azərbaycan Respublikasının Baş Prokurorluğu, ölkəmizə qarşı terror çağırışları edən üç Rusiya vətəndaşını beynəlxalq axtarışa verib. Bu şəxslər, ölkəmizin konstitusiya quruluşunu zorla dəyişdirmək və ərazi bütövlüyünü parçalamaq məqsədilə açıq çağırışlar ediblər.
Minval.info xəbər verir ki, istintaq zamanı Rusiya vətəndaşları İvan Knyazev, Semyon Uralov və Aleksey Çadayevin “YouTube” platformasında yayımlanan bir verilişdə zorakı üsullarla Azərbaycanın konstitusiya quruluşunu dəyişdirmək və milli nifrət yaymaq məqsədilə çağırışlar etdikləri müəyyən edilib.
Bu şəxslər, 13 avqust 2026-cı il tarixində yayımlanan digər bir proqramda da zorakı üsullardan istifadə edərək terrorçuluğa açıq çağırışlar ediblər. Baş Prokurorluq, bu şəxslərin Azərbaycan Cinayət Məcəlləsinin müvafiq maddələri ilə təqsirləndirildiyini və onların beynəlxalq axtarışa verildiyini açıqlayıb.
ƏLAQƏLİ
Saxta profillərlə milyonları ələ keçirən kibercinayətkarlar ifşa olundu!
Baş Prokurorluq, Azərbaycanın suverenliyinə və ərazi bütövlüyünə qarşı yönəlmiş hər hansı qanunsuz əməllərə qarşı qətiyyətli tədbirlər görəcəyini bəyan edir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Saxta profillərlə milyonları ələ keçirən kibercinayətkarlar ifşa olundu!
