Bakıya uçuşlar dron hücumlarına görə təxirə salındı

Avqustun 22-də Rusiyanın bir neçə hava limanında dron hücumları səbəbindən təyyarələrin qəbulu və yola salınmasına müvəqqəti məhdudiyyətlər tətbiq edilib. Bu qərarlar uçuşların təhlükəsizliyini təmin etmək məqsədilə qəbul olunub.

Minval.info xəbər verir ki, bu məhdudiyyətlər çərçivəsində Rusiya daxilində və əksər xarici uçuşlar ləğv edilib və ya təxirə salınıb. Təxirə salınan uçuşlar arasında Moskvanın “Vnukovo” hava limanından Bakıya uçan iki reys də yer alır. Bu reyslərdən biri AZAL-a, digəri isə “Utair” hava yolları şirkətinə məxsusdur. AZAL-ın təyyarəsi yerli vaxtla saat 01:00-da yola düşməli idi, lakin uçuş saat 14:00-dək təxirə salınıb. “Utair”ə məxsus təyyarə isə yerli vaxtla 09:50-də havaya qalxmalı idi, lakin 10:50-dək təxirə salınıb.