Bakının əsas yollarında sıxlıq: Hansı istiqamətlərdə nəqliyyat iflic olub?

Bakı şəhərində bir sıra əsas yollarda nəqliyyat sıxlığı qeydə alınıb. Bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat verib.

Minval.info xəbər verir ki, sıxlıq müşahidə olunan istiqamətlər arasında Bakı-Sumqayıt şosesi, “Xırdalan” dairəsi, Əbdülvahab Salamzadə küçəsi və Ziya Bünyadov prospekti də var. Eyni zamanda, Alı Mustafayev küçəsi, Binəqədi şosesi və Atatürk prospekti də sıxlıq yaşayan yollar sırasındadır.

Bundan əlavə, Ziya Bünyadov prospektinin müxtəlif kəsişmələrində, o cümlədən Müzəffər Nərimanov və Əhməd Rəcəbli küçələri istiqamətində də nəqliyyatın sıxlığı müşahidə edilir. Koroğlu Rəhimov küçəsi ilə akad. Həsən Əliyev küçəsi kəsişməsindən Heydər Əliyev prospektinə doğru da sıxlıq var.