Bakının əsas yollarında ciddi tıxac müşahidə olunur

Bakının bir sıra yollarında tıxac yaranıb. Nəqliyyatı İntellektual İdarəetmə Mərkəzi (NİİM) yollardakı vəziyyətlə bağlı məlumat yayıb.

Minval.info xəbər verir ki, hazırda Bakı-Sumqayıt şosesi, “20 Yanvar” metrostansiyası istiqamətində, Ziya Bünyadov prospekti ilə Müzəffər Nərimanov küçəsinin kəsişməsindən “20 Yanvar” metrostansiyası istiqamətində, Üzeyir Hacıbəyli küçəsi ilə Azadlıq prospektinin kəsişməsinə qədər, Sabunçu-Zabrat şosesi ilə “Koroğlu” metrostansiyası istiqamətində və Mikayıl Əliyev küçəsi ilə Neft Emalı Zavodunun yanından “Koroğlu” metrostansiyası istiqamətində dairəyə qədər sıxlıq müşahidə olunur.