Bakının özəl klinikasında baş həkimdən xəstəyə qarşı ədəbsizlik: "Mənə dedi ki..." - AÇIQLAMA
Bakı sakini özəl klinikanın baş həkiminin davranışlarından narazıdır. O, tibb mütəxəssisini müvafiq qurumlara şikayət edəcəyəni söyləyir.
Nigar Qəmərli adlı paytaxt sakini minval.info-ya Bakıda fəaliyyət göstərən “İstanbul Clinic” xəstəxanasında başına gələn hadisə barədə danışıb.
“Ayağımı zədələmişəm, həkim mənə fizioterapiya yazdı. Bu vəziyyətdə güclə gəzdiyim üçün evimin yanındakı klinikaya getdim. “İstanbul Clinic”-ə daxil olmaq üçün uzun pilləkənləri çıxmaq lazımdır və başqa hər hansı bir girişi yoxdur. Bu məsələni oranın baş həkimi Umman Abbasovaya dedim. Ondan soruşdum ki, “mənim kimi və daha ağır xəstələr buraya necə gəlsin”, o isə “gördün pilləkən var, gəlmə, çıx get” cavabını verdi” – şikayətçi bildirib.
Nigar xanım onun bu cür reaksiyasına şok olduğunu qeyd edib və həkimə “siz xəstəyə necə belə deyə bilərsiniz?” deyib. O isə yenidən “hə də, pilləkən var, gəlmə” sözlərini söyləyib.
N.Qəmərlinin iddiasına görə, həkimə bildirib ki, onu bu münasibətinə görə, şikayət edəcək. Amma tibb mütəxəssisi “hara istəyirsən, şikayət et” deyib. O, bütün baş verənlərə görə susmayacağını və müvafiq addımlar atacağını qeyd edib.
Məsələylə əlaqədar adıçəkilən klinika ilə əlaqə saxlamağa çalışdıq. Telefon zəngimizə cavab verən xəstəxana əməkdaşı hazırda mətbuata açıqlama verəcək şəxslərin iş başında olmadığını söylədi.
Samir Mirzə
Həmçinin oxu:
Baş həkim ittihamlara cavab verdi: “Məni biabır etmisiniz, qız dedi ki…”
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Abşeron çimərliklərində suyun temperaturu yüksəlir
Sabiq nazir Vaqif Novruzov 86 yaşında vəfat etdi
Lənkəran-Astarada leysan yağışları: 11 mm yağıntı
UNEC rektoru təhsil müddətinin azaldılmasını dəstəkləyir
Ahıllara qayğı: Mərkəzlərdə artan müraciətlər
Zirə və Qarabağ: Məğlubedilməzlik seriyası təhlükədə!
Qara dənizdə dron hücumu: Azərbaycanlılar hədəf alındı
