Bakıda taksi sürücüsündən qəribə addım: "uşaqlı sərnişinləri qəbul etmirəm" dedi və...

Bakıda bir taksi sürücüsü uşaqlı sərnişini yolda düşürərək narazılığa səbəb olub. Hadisə ilə bağlı məlumat daxil olub və sərnişin baş verənləri belə izah edib: O, taksi sifariş etdikdən sonra təxminən 8 dəqiqə gözləyib və nəhayət avtomobil gəlib.

Minval.info xəbər verir ki, sərnişin azyaşlı uşağı ilə birlikdə taksiyə mindikdən sonra sürücü ilə aralarında anlaşılmazlıq yaranıb. Təxminən 5-6 dəqiqə yol getdikdən sonra sürücü qəfil “mən uşaqlı adam götürmürəm” deyərək avtomobili saxlayıb və sərnişindən maşından düşməsini tələb edib.

Sərnişin bu davranışdan narazı qalıb və sürücünün avtomobilinin dövlət nömrə nişanının 77-UY-148 olduğunu qeyd edib. O, məsələ ilə bağlı tədbir görülməsini istəyib.