Bakıda qayınata gəlini qətlə yetirməkdə ittiham olunur

Bakıda qayınatası tərəfindən qətlə yetirildiyi iddia edilən Gülüzar Məmmədovanın cinayət işi üzrə məhkəmə prosesi başlayıb. Bakı Ağır Cinayətlər Məhkəməsində keçirilən hazırlıq iclasında, hakim Vüqar Quliyevin sədrliyi ilə təqsirləndirilən Adıgözəl Məmmədovun anket məlumatları dəqiqləşdirilib.

Minval.info xəbər verir ki, məhkəmə iclasında Adıgözəl Məmmədovun həbs qətimkan tədbirinin dəyişdirilmədən cinayət işinin məhkəmə baxışına verilməsi qərara alınıb. Növbəti məhkəmə iclası sentyabrın 24-nə təyin edilib.

Hadisə 2026-cı ilin iyun ayında Sabunçu rayonu “Şuşa şəhərciyi” adlanan ərazidə baş verib. 1966-cı il təvəllüdlü Adıgözəl Məmmədov, 1995-ci il təvəllüdlü gəlini Gülüzar Məmmədovanı bıçaqla öldürməkdə təqsirləndirilərək saxlanılıb. Ona qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.