Bakıda məktəblər dezinfeksiya edilir

Bakı şəhərində yeni tədris ilinə hazırlıq çərçivəsində məktəblərdə genişmiqyaslı dezinfeksiya işləri aparılır. Bakı Şəhəri üzrə Təhsil İdarəsinin tabeliyində olan ümumi təhsil müəssisələrində sanitar-gigiyenik tədbirlər həyata keçirilir.

Minval.info xəbər verir ki, bu tədbirlər çərçivəsində məktəblərin tədris avadanlıqları ilə təminatı, sinif otaqlarının və digər təlim məkanlarının hazırlıq vəziyyətinin yoxlanılması, ərazilərin abadlaşdırılması kimi işlər də görülür. Məqsəd, şagirdlərin müasir, təhlükəsiz və sağlam təhsil mühitində təhsil almalarını təmin etməkdir.

Təhsil müəssisələrinin yeni tədris ilinə tam hazırlığını təmin etmək üçün zəruri şərait yaradılır və təlim prosesinin keyfiyyətli təşkili üçün bütün lazımi tədbirlər görülür.