Bakıda evdə tapılan 4 meyitin 3-nün şəxsiyyəti məlum oldu

Ötən gün Bakının Nərimanov rayonunda meyiti tapılan 4 nəfərdən 3-nün şəxsiyyəti məlum olub.

“Minval.info”nun Trend-ə istinadən məlumatına görə, evdə meyiti tapılan şəxslərdən biri 2004-cü il təvəllüdlü Allahverdiyev Kamran Xaliq oğludur. Məlumata görə, adıçəkilən gənc bir həftə əvvəl yaşadığı evdən çıxıb və geri qayıtmayıb.

ƏLAQƏLİ

Bunu da oxu

VACİBBakıda oyuncaq maşınla yola çıxan saxlanıldı

08.09.2026 - 13:18

Onunla birlikdə meyiti tapılan daha iki nəfərin də şəxsiyyəti məlum olub. Həmin şəxslər 1990-cı il təvəllüdlü Nəzərov Kənan Qurban oğlu və 1991-ci il təvəllüdlü Səfərli Pərviz Adıgözəl oğludur.

Hadisə yerində meyiti aşkarlanan 4-cü şəxsin isə sifəti tanınmaz olduğundan şəxsiyyətini müəyyənləşdirmək mümkün olmayıb. Məlumata görə, həmin şəxslərin bir həftə əvvəl öldüyü məlum olub. Meyitlərdə zorakılıq və xəsarət izləri aşkarlanmasa da, çürüməyə məruz qalıb.

İlkin ehtimal kimi həmin şəxslərin dəm qazından boğulması ehtimal edilsə də, ölümün səbəblərinin müəyyən edilməsi ilə bağlı araşdırmalar davam etdirilir.

ƏLAQƏLİ

Bunu da oxu

Goranboyda sursat anbarında dəhşətli anlar: Yanğın və partlayış baş verdi, əhali təxliyə olundu – RƏSMİ MƏLUMAT

02.09.2026 - 11:58

Xatırladaq ki, hadisə yanvarın 5-də paytaxtın Nərimanov rayonu, Ağaoğlu küçəsi 7 ünvanında baş verib. Həmin ünvandakı mənzillərdən birinin sahibi evini 3 nəfərə kirayə verib. Yanvarın 1-dən 5-nə qədər kirayəşinlərə zəng vuran ev sahibi qarşı tərəfdən cavab ala bilmədiyi üçün yanvarın 5-də səhər saatlarında evə gəlib. Lakin evin qapısını bağlı görən mənzil sahibi məsələ ilə bağlı hüquq-mühafizə orqanlarına məlumat verib. Hüquq-mühafizə orqanları əməkdaşlarının müdaxiləsindən sonra mənzilin qapısı açılıb. Mənzilə baxış keçirilərkən oradan 4 nəfərin meyiti aşkarlanıb.