Bakıda avtomobildən 78 min manat oğurlandı

Bakının Sabunçu rayonu ərazisində avtomobildən 78 min manat məbləğində pul oğurlanıb. Hadisə ilə bağlı Sabunçu Rayon Polis İdarəsinin 14-cü Polis Şöbəsinin əməkdaşları tərəfindən aparılan əməliyyat tədbirləri nəticəsində, əvvəllər məhkum olunmuş 43 yaşlı T.Nəzərov şübhəli şəxs qismində saxlanılıb.

Minval.info xəbər verir ki, rayon ərazisində qeydə alınan digər bir hadisədə isə evdən elektrik naqilləri və 730 manat dəyərində su nasosu oğurlanıb. Bu cinayəti törətməkdə şübhəli bilinən, əvvəllər məhkum olunmuş 34 yaşlı K.Qasımov da polis əməkdaşları tərəfindən müəyyən edilərək saxlanılıb.

Hər iki faktla bağlı araşdırmalar davam etdirilir.

ƏLAQƏLİ

Bunu da oxu

Qaqik Tsarukyanın fırıldaqçılıq ittihamlarına cavabı: milyondolarlıq qalmaqal

12.10.2026 - 13:54