Bakıda 46 küçə yeniləndi: Təmir davam edir!

Bakı şəhərində 46 küçədə təmir işləri uğurla başa çatdırılıb. Bu barədə Azərbaycan Avtomobil Yolları Dövlət Agentliyi məlumat verib. Bildirilir ki, Bakı şəhərinin bütün rayonlarını əhatə edən genişmiqyaslı təmir proqramı çərçivəsində 111 küçə və prospektin təmiri nəzərdə tutulub. Artıq 46 küçədə işlər tamamlanıb və ümumilikdə 32 kilometr uzunluğunda yol yenilənib.

Minval.info xəbər verir ki, hazırda 20 küçədə təmir işləri davam etdirilir. Proqrama daxil olan digər küçə və prospektlərdə də işlər mərhələli şəkildə həyata keçiriləcək.