Bakıda 20-dən çox marşrutun istiqaməti dəyişdi

Bakı və Abşeron rayonunda aparılan təmir-tikinti işləri səbəbindən 20-dən çox marşrutun hərəkət istiqaməti müvəqqəti olaraq dəyişdirilib. Bu dəyişikliklər Sabunçu rayonunun Bakıxanov qəsəbəsində, Yavər Əliyev küçəsindən keçən marşrutlara təsir edib. 22, 24, 35, 40, 49, 55, 57, 60, 76, 78, 105, 106, 113, 141, 185, 186, 191, 208, 209 və 213 nömrəli marşrutlar alternativ küçələrlə hərəkət edəcək.

Minval.info xəbər verir ki, bu marşrutların öz əvvəlki hərəkət sxemi bir gün ərzində bərpa ediləcək. Mehdiabad qəsəbəsində, Cəlil Məmmədquluzadə küçəsində tətbiq olunan məhdudiyyətlər səbəbindən 179 nömrəli marşrutun hərəkət istiqaməti də dəyişdirilib. Bu marşrut avtobusları bir həftə ərzində Təbriz, Məhəmmədhüseyn Şəhriyar, 28 May, Fazil İsmayılov və Məhəmməd Əmin Rəsulzadə küçələri ilə hərəkət edəcək.