Bakı yollarında tıxacın sirri: Hansı küçələrdə hərəkət iflic olub?

Bakı şəhərində bir neçə əsas yolda nəqliyyatın sıxlığı müşahidə edilir. Bu barədə məlumat Daxili İşlər Nazirliyinin Nəqliyyatı İntellektual İdarəetmə Mərkəzi tərəfindən verilib.

Minval.info xəbər verir ki, sıxlıq əsasən Bakı-Sumqayıt şosesində, “Xırdalan” dairəsi istiqamətində, Tbilisi prospektində İzmir küçəsi ilə kəsişmədən “20 Yanvar” metro stansiyası istiqamətində və “20 Yanvar” metro stansiyasından mərkəz istiqamətində müşahidə olunur.

Bundan əlavə, Heydər Əliyev prospektinin köməkçi yolunda, Dənizkənarı küçəsində Bayraq Meydanının qarşısından “Azneft” dairəsi istiqamətində, Niyazi küçəsində “Azneft” dairəsi istiqamətində, Xətai prospektində Heydər Əliyev prospekti istiqamətində və Koroğlu Rəhimov küçəsində akad. Həsən Əliyev küçəsi ilə kəsişmədən Heydər Əliyev prospekti istiqamətində də sıxlıq qeydə alınıb.